محمد الداهش ببرنامج ‘Samedi Plus’ مع ميساء باديس يصرّح : 

• فكرة مهرجان الكوميديا جات من فريق خادمين برشا في الجمعيات و عندهم فكرة فالévénementiel جاتهم الفكرة كونهم يلمو كوميدين الي هي نفس الفكرة جاتنا قبل احنا نتصور أي كوميدي يجي لبالو يلم كوميدين أما الفكرة صعيبة كي توصل لمرحلة بش تكلم عدد معين متع ممثلين لفرد date تلقاها حاجة نوعا ما مستحيلة قبل.
• صارت شوية صعوبات اما الممثلين لكبار عجبتهم الفكرة.
• بش نعملو تكريمات للكوميديين القدم كيما هادي السملالي و زهرة فايزة الناس هذوما خدمو قبل و لازم نكرموهم في الحدث الاكبر في تونس.
• فما موسيقى و فما فنان كبير بش يحضر و في العمر صغير بش تكون مفاجئة.
• كل العايلات مرحبا بيهم ينجمو يتفرجو مرتاحين مانوصلوش للحاجات المبتذلة ماعناش غشة حاجة عائلية بحتة.
• تمنينا لطفي العبدلي يكون موجود ملك الكوميديا.
• الي ينجم يفيد المهرجان اكثر ك produit جميلة الشيحي نحبها برشا لكن نعيمة الجاني اقرب للشعبي و خممنا في نعيمة.
• بين طارق بعلوش و صابر césar نختار صابر موجود على خاطر حاجات bien précises اولا ناشط على الإنترنت ومن اكثر الممثلين الناشطين على مواقع التواصل الاجتماعي وصوت و حضور صابر بش يكون مقدم المهرجان خير من بعلوش و بعلوش ممثل متع وضعيات.
• كلمنا سماح الدشراوي و وجيهة الجندوبي اما وجيهة أقوى توا تجاريا.
• رياض النهدي عندو 30 سنة يحرث وانا نشوفو ماخذاش حقو و عامل حاجات يرعبو و بش يكون فما تكريم لرياض و لمين النهدي
• معز دبش و صابر النقار مش الستيل متع المهرجان.
• بين أميمة و لبنى السديري نخير لبنى تضحك علخر اما لتوا ماريتها كيما نعرفها انا مع كل احترامي للي خدمت معاهم لبنى تقعد معاها درج في الدنيا تقتل بالضحك و اميمة تضحك شوية كانت تنجم تكون موجودة.
• اكثر اسم ينجم يسوق للمهرجان كمال التواتي كمال الوهرة و الاسم.