المخرج ربيع التكالي ببرنامج ‘موزاييك+’ مع الإعلامي شاكر بسباس يصرّح :
- مسلسل جبل الأحمر حلمة عندها سنين مشروع طاب في عقلو وتخدم ببرشا حب.
- مشروع كي يكون حامل اسم حومة والا حامل شخصية معروفة يبدى مشروع يتطلب برشا بحث وتركيز واخبار والأحداث وتقرب برشا للعباد باش كي تحكي حاجة تكون صادق فيها.
- هي مسؤولية وخاصة كي تخدم مع القناة الوطنية الي تقعد احسن قناة في تونس وأم التلافز الكل هي تلفزتنا.
- مهمة صعيبة برشا خاصة في ال niveau الي حطو لسعد الوسلاتي في حرقة لكن احنا نتمناو نعملو حاجة ما خير ونكملو في التوجه الي اختارتو الوطنية و مشكورة على ثقتها في الشباب و في الغزرة الجديدة وانا فرحان برشا...
- الجبل الأحمر هو أعرق وأقدم حي شعبي في تونس وفي قلب تونس العاصمة وصار فيه des événements كبار.
- خلال التحضيرات هبطنا للجبل الأحمر والعباد غادي حلوين برشا كانو فرحانين بالفن و جبل الأحمر طلع برشا فنانين منهم سمير لوصيف، ارماستا، محمد علي لسمر وممثلين زادة.
- باش نطرحو في المسلسل انو حتى كي تبدى في حومة شعبية واضطهدت في فترة ما والبيئة موش ملائمة مع هذا توصل.
- الحقيقة خايف لانو اسم كبير جبل الأحمر.
- انا باش نحاول قدر المستطاع اني نحافظ على تصويرة الناس هاذيا الي عطاو فيا الثقة.
- معنا القديرة دليلة المفتاحي وقامات كبيرة الي كتبنالهم وفرحانين بهذا وهما فرحانين برشا الي دخلو معنا في تحدي هذا..
- الحمد الله لقيت عباد هازين معايا الحمل ويخدمو صباح وليل وعاطين من قلبهم اكثر ملي تتصور.
- الهدف متاعي انو نفرح 12 مليون تونسي ويقولو الكلام الطيب والحلو ويحسو بهاك اللمة الباهية في الحومة و بعاداتنا..
- باش يكون معنا قامة كبيرة فتحي الهداوي ومعانا نصر الدين السهيلي و هو اكتشاف بالنسبة ليا ، وبش تكون معانا وحيدة الدريدي.
- نعتبر الدراما التونسية منغير وحيدة الدريدي و فتحي الهداوي والا مدام دليلة مافماش نكهة في رمضان.
- باش يكون معانا محمد السياري، عزيز باي ، خالد هويسة ، معز القديري، مرام بن عزيزة، مجد بلغيث، حكيم بالكحلة، باش يكونو معانا مفاجآت مانجمش نقول عليهم توة.
- إن شاء الله نكون في المستوى وان شاء الله نعمل نجاح كبير.
- المسلسل في 20 حلقة باش يتعدى في نصف الأول من شهر رمضان في البرايم تايم.
مقالات ذات صلة :
