مرام بن عزيزة ببرنامج ‘O star’  مع أميمة العياري تصرّح : 

• عائشة عثمان ماكنتش نعرفها ، عرفتها نهار التصوير وكانسانة محلاها .. غاضتني حكاية سرقة برنامج حنان الشقراني و انا نحبها .. سألوني برشا علاش موش انا الي نقدم برنامج ladies ، حتى الكرونيكوز مهمة خاطر تعطي رايها.
• أنا نعرف كادوريم شخصيا انسان كريم برشا و حنين .. اللي شادين تونس تو شنوا زادونا .. على الاقل كادوريم عاون
• وليت نخمم نمثل في مصر وكان مشيت مانيش باش نبدل لقبي ..نحب نعرف علاش فريال قراجة بدلت لقبها ..ما فهمتش علاش كي يمشيو لمصر يبدلو لقبهم.
• التمثيل موش ساهل مسؤولية ..عائشة بن احمد مسكينة بوها توفى و بعد نهارين رجعت لمصر تمثل ..خاطر مصححة و عندها عقد مرتبطة بيه
• حكاية محاولة قتل سامي لزوجته موش صحيحة و انا متأكدة خاطر نعرفهم مليح ...علاقتي بأسماء الفهري و سامي الفهري موش كان خدمة .. أمي تقول سامي ولدي.
• كوثر شخصيتي في "الجبل الاحمر" وباش تكون بنت الجبل .. عربي المازني خويا و ممكن تحسس خاطر ماهوش موجود في العمل.
• زوجي المستقبلي من خارج الميدان .. ماعادش باش نهبط على حياتي الشخصية .. أنا عمري 36 سنة و اليوم حاضرة و مستعدة باش نكون أم.
• يا عاطف بن حسين خلصني على دوري في مسلسل المنارة .. ما يهمنيش هو خلص و الا لا انا مصححة معاه هو.
• جاتني فرصة في الجزائر قبل و رفضت خاطر نصور في أولاد الغول ..نحب نخدم في الجزائر.
• دوري في مسلسل أولاد الغول عجبني وشافو مرام أخرى ..أولاد الغول ماذابيا موسم ثاني .. خاصة انو الموسم الثاني مكتوب.